Advertisment

kat hi gai judai

kat hi gai judai bhi kab yeh hoa k mar gaey
teray bhi din guzar gaey meray bhi din guzar gaey
tu bhi kuch aur aur hai, hum bhi kuch aur aur hain
janay wo tu kidher gaya janay wo hum kidher gaey
rahon mein milay thay hum, rahen naseeb ban gaen
tu bhi na apnay ghar gaya, hum bhi na apnay ghar gaey
woh bhi ghubar-e-khak tha, hum bhi ghubar-e-khak thay
wo bhi kahin bikhar gaya, hum bhi kahin bikhar gaey
teray liey chalay thay hum teray liey theher gaey
tu nay kaha to ji uthay tu nay kaha to marr gaey
waqt hi judai ka itna taweel hogaya
dl mein teray wasal k, jitnay thay zakham bhar gaey
barish-e-wasal ho hoi sara ghubar dhul gaya
woh bhi nikhar nikhar gaya, hum bhi nikhar nikhar gaey
itnay qareeb hogaey, itnay raqeeb hogaey
wo bhi adeem dar gaya hum bhi adeem dar gaey

SaaMer +92 300 2711 588

Advertisment


0.0776131153107