Advertisment

Dunya ki haqiqat

Dunya ki haqiqat se jo inkar karey ga
woh umar ki sab manzilain dushwar karey ga

Haan dard-e-muhabat se taghaful na baratna…
pehlu se ye dushman ki tarhan war karey ga

Woh shakhs hai sahil pe hi mojon se harasaan…
biphrey hoye samander ko woh kiya paar karey ga

Jo shakhs behalta hai ujaloon ki chamak se…
ujray hoye logon se woh kiya pyaar karey ga

Jazbat ki dunya main koi qaid nahi hai…
kiya koi hawaoon ko giraftaar karey ga

Chahat kisi zardar ki miraas nahi hai…
yeh Dil jise chahey ga usey pyaar karey ga

Ager ehsas-e-mohabbat hai to mehsos ker Mohabbat,
Her bat ko Dil sey labon tak kon bayaan karey ga

SaaMer

Advertisment


0.056657075882