Advertisment

Falak K Nazaro Zameen Ki Baharo

Falak K Nazaro Zameen Ki Baharo
Sab Eidein Manao Huzoor Aa Gaye Hain
Uttho Gham K Maaro Chalo Be Saharo
Khabar Ye Sunao Huzoor Aa Gaye Hain

Anokha Nirala Wo Zishaan Aaya
Wo Sare Rasooloon Ka Sultan Aaya
Are Kaj Kulaho Are Baadshaho
Nigahein Jhukao Huzoor Aa Gaye Hain

Hua Char Su Rehmatoon Ka Basera
Ujaala Ujaala Sawera Sawera
Halima Ko Pohnchi Khabar Aaminah Ki
Mere Ghar Mein Aao Huzoor Aa Gaye Hain

Hawaoon Mein Jazbaat Hain Marhaba K
Fizaoon Mein Naghmaat Salle Alla K
Duroodoon K Gajre Salamoon K Tohfe
Ghulamo Sajao Huzoor Aa Gaye Hain

Sama Hai Sana-e Habeeb-e KHUDA Ka
Ye Melaad Hai Sarware Ambiya Ka
NABI K Gadao Sab Ik Doosre Ko
Gale Se Lagao Huzoor Aa Gaye Hain

Kahaan Main ‘Zahuri’ Kahaan Unki Batein
Karam Hi Karam Hain Ye Din Aur Ratein
Jahaan Par B Jao Diloon Ko Jagao
Yahi Kehte Jao Huzoor Aa Gaye Hain

(Sallallahu Alaihi Wassallam)

Advertisment


0.1101770401