Advertisment

Ajab Pagal c Larki Hai

Ajab Pagal c Larki Hai
Mujhe Her Roz Kehti hai
“Batao Kuch Naya Likha”
Main Jab Bhi Uss Se Kehta Hoon
“Haan ik Nazm Likhi Hai
Mgar Unwaan Dena Hai”
BhoT Bechain Hoti hai
Wo Kehti Hai
“Acha Sunao
Main Ussy ik Acha Sa Unwaan Deti Hoon”
Wo Meri Nazm Sunnti Hai
0r UssKi Bolti Aankhain
Kisi Missry Kisi Tashbeeh Per Yu Muskurati Hain
Mujhe Lafzoon Se Kirrnain Photti Mehsoos Hoti Hain
Wo Meri Nazm Ko Acha Sa ik Unwaan Deti Hai
0r Uss K Aakhri Missry K Neechy ik Ada-e-Benayazi Se
Wo Apna Naam Likhti Hai
Main Kehta Hoon
“Suno!
Ye Nazm Meri Hai
To Phir Tum Ne Kyon Apny Naam Se Mansoob Ki Hai”
Meri Ye Baat Sun K UssKi Aankhain Muskurati Hain
Wo Kehti Hai
“BARA SADA SA RISHTA HAI
K JESY TUM MERY HOO
ISS TERHA YE NAZM MERI HAI”

Ajab Pagal c Larki Hai…/

Advertisment


0.0541191101074